३) गो संरक्षण

• राज्यात गोवंशाची होणारी कत्तल (२०१५ च्या प्राणीरक्षण कायद्याची प्रभावीपणे अंमलबजावणी) तसेच अपघातापासून गोवंशाचे संरक्षण करणे.
• गोवंशाची विक्री करणाऱ्या शेतकऱ्याला मोबदला देऊन गोवंशाची खरेदी करणे.
• गोवंशांचा सांभाळ करू न शकणाऱ्या शेतकऱ्याला आर्थिक आधार देणे जेणेकरुन तो गोधनाची विक्री करणार नाही.
• कत्तलीसाठी नेण्यात येणाऱ्या गोधनाची सुटका करुन त्यांची रवानगी गोसेवा आयोगाकडील नोंदणीकृत गोशाळेत करणे.
• पशुधनाच्या संरक्षणासाठी अस्तित्वात असलेल्या कायद्यांची अंमलबजावणी प्रभावीपणे करणे संदर्भात जागरुक राहणे.
• जिल्हा प्राणी क्लेष प्रतिबंधक सोसायटी यांच्या वेळोवेळी बैठका आयोजित करुन त्यांच्या कामाचा आढावा घेणे.

४) गोमय मुल्यवर्धन

• मातीचे नैसर्गिक चक्र पुनरुज्जीवित करण्यासाठी देशी गोवंशापासून मिळणारे शेण आणि गोमुत्रासह नैसर्गिक शेती करण्यास प्रोत्साहन देणे.
• गोशाळेच्या स्वयंपूर्ण होण्यासाठी शेणखत व गोमुत्रासह उत्पादीत पंचगव्यांपासून गोमय उत्पादने तयार करुन त्यांना बाजारपेठ मिळवून देणे.
• गोमय उत्पादनांसाठी प्रमाणित प्रयोगशाळा तयार करणे व गोसेवा आयोगाच्या ऑनलाइन प्लॅटफॉर्मवर विक्रीस प्रोत्साहन देणे; जेणेकरुन शेवटच्या वापरकर्त्यास निरोगी जीवनासाठी उत्कृष्ट उत्पादने देऊन शेतकरी व गोशाळेचे अर्थकारण समृद्ध होईल, याकडे लक्ष देणे.
• सेंद्रीय शेतीसाठी गोवंशाच्या शेणखताची दर निश्चिती करणे.

५) गोशाळा

• राज्यामध्ये गोरक्षणासाठी (पशुंचे संवर्धन, संरक्षण व कल्याण) कार्यरत असणाऱ्या गोशाळांची नोंदणी करणे तसेच नव्याने सुरु होणाऱ्या गोशाळांची नोंदणी, त्यांचे निरिक्षण व पर्यवेक्षण करणे.
• गोशाळेमध्ये गोधनासाठी संगोपनाच्या उत्तम व्यवस्थापन पद्धती, गोमुत्र संकलन, शेड, चारा व अन्य पायाभूत सुविधा पुरविण्यासाठी अनुदान देणे.
• सुधारीत गोवर्धन गोवंश सेवा केंद्र योजनेंतर्गत गोशाळेमधील पायाभूत सुविधांचे बळकटीकरण करणे.
• गोशाळांमध्ये गोबरगॅस सयंत्र वापरास प्रोत्साहन देणे.
• कत्तलीसाठी नेण्यात येणारा गोवंश जप्त करुन गोशाळांच्या माध्यमातून त्यांचे संरक्षण व व्यवस्थापन करणे, गोशाळांच्या विकासासाठी राज्य शासनाच्या विविध योजनांची अंमलबजावणी होईल, याची सुनिश्चिती करणे.
• आर्थिकदृष्ट्या कमकुवत गोशाळांचे बळकटीकरण करणे व त्यांना आर्थिक सहाय्य करणे.

६)गोरक्षक

• जिल्हा प्राणी क्लेष प्रतिबंधक सोसायतीद्वारे जिल्ह्यातील गोरक्षकांना मान्यता व ओळखपत्र प्रदान करणे, त्यांना महसूल विभागाकडून विमा संरक्षण देणेबाबत कार्यवाही करणे.
• गोवंशासाठी कार्यरत पोलिस, गोरक्षक, सरकारी वकिल यांचेसाठी उत्तम कार्यपद्धती अवलंबिणेकरिता एसओपी तयार करणे व त्याची काटेकोर अंमलबजावणी करणे व त्यांना कायद्याचे प्रशिक्षण देण्यासाठी जिल्हास्तरावर कार्यशाळेचे आयोजन करणे.

७) गोपालक

• गो पालक म्हणजे गाईच्या संरक्षणाची, पालन-पोषणाची आणि प्रजनन याची जबाबदारी घेणारा व्यक्ती.
• गो पालकांच्या कामांमध्ये गाईंची दुधप्रदर्शन, गाईंच्या पायांची देखरेख, गाईंच्या कुटुंबांची काळजी घेणे, गाईंच्या रोगांची काळजी घेणे, गाईंच्या संवर्धनाची काळजी घेणे व गाईंच्या दिनचर्येची काळजी घेणे ह्या सर्व कामांमध्ये योगदान असतो.